Iraq-in mi sawm pahnih tihlum

Iraq sorkar chuan firfiaka chetnaa inhnamhnawiha puha thiam loh a chantir, mi 12-te chu a tihlum.

Kar hmasa khan Iraq Prime Minister Haider al-Abadi chuan firfiak, thi tura thiam loh chantir tawhte chu a rang thei anga hremna pe turin thupek a lo siam tawh a ni. Hemi hnu hian firfiak 12-te hi tihhlum an ni. Heng firfiakte tihhlum an nih hma lawk hian Islamic State (IS) firfiak pawlten an hren, mi pariat ruang chu Baghdad hmar lam kawngpuiah hmuh an ni.

Human rights group-te chuan Iraq sorkarin IS firfiak nia rinhlelhte thubuai a ngaihtuah dan leh, a ruala mi a tihhlum ṭhin dan chu ngaihtuah a ngai hle niin an sawi. Iraq ramah hian firfiaka rinhlelh, thi tura an chungthu rel tawh hi za tel an awm a, an zingah hian ramdang mi pawh eng emaw zat an tel.