Europe tlawh turin Iran President zinchhuak

Iran President Hassan Rouhani chu Switzerland leh Australia tlawh turin Thawhṭanni khan a zin.

Iran leh world power ram paruk-ten nuclear deal an lo siam tawh aṭanga US a inhnuhdawh hnuah, he inremna hi kaltlangpui a nih zawm zel theih nan Iran hian hma a la mek a ni. Thawhṭanni khan Zurich a thleng a, vawiin hian Vienna lam a pan leh dawn a ni. Vienna hi kum 2015-a nuclear deal an lo ziahna hmun kha a ni. 

Iran foriegn ministry thupuangtu Bahram Ghassemi chuan Rouhani-an Europe ram a tlawh hi thil pawimawh tak a ni tih sawiin, hei hi Iran leh Europe ramte inkara thawhhona ṭha a awm zia lantirna pawimawh tak a ni thei a ni, a ti.

Rouhnai hian thla hmasa khan China a tlawh tawh bawk a, China leh Russia nena nuclear deal siam dan chungchangte a sawipui a ni.