Imran Khan-an party dang thawhpui tur ngaihtuah mek

27th March, 2020

Pakistan ram inthlanpui neih zawh takah Imran Khan-a party, Pakistan Tehreek-e-Insaf (PTI) chu seat la hnem ber ni mah se party mala sorkarna siam thei tura member a ngah tawk loh vangin party dang thawhpui tur an ngaihtuah mek.

Parliament lower house, National Assembly-a inthlanna neihna seat 270-ah PTI hian seat 115 a la, seat 12 in majority a nei pha lo a ni. Party lian dang pahnih Pakistan Muslim League – Nawaz (PML-N) leh Pakistan Peoples Party (PPP) chuan seat 64 leh 43 an la bawk.

PTI thupuangtu chuan party lian dang pahnih chu eiruknaa inhnamhnawih an nih avangin thawhpui an tum lo tih a sawi , party tenau leh independent member-te an be dawn niin a sawi. Pakistan Prime Minister thar tura rin, Imran Khan chuan inthlanah hian seat panga-ah chuhin a chak vek a ni.