NKorea-ah leather coat hak khap

North Korea chuan mipuite chu an ram hotu lu ber, Kim Jong-un style an entawn tur danna atan leather coat hak a khap.

Kum 2019, December thla khan Kim Jong-un hian mipui hmuha a inlannaah leathet coat a ha a, hemi hnu hian a thawmhnaw inbel ang hi an ramah hian a lar chho ta hle a ni. A bikin mi hausa leh dinhmun sang zawkten an ram hotu an thlawpna leh a laka an rinawmna lantirna atan leather coat hi an ha zui nasa hle.

Leather coat a lar hnu hian leather lem hmanga siam pawh a rawn lar tel a, leather lem zuartute pawh hi police lam pawhin an vai zui a ni. Leather lem hmanga siam coat tihlar chu Kim hmel leh a thuneihna tihneptu angah a lang niin an ngai. Hei bakah hian an ram hotu lu ber thawmhnaw hak ang lo tih lar chu a dik lo niin an ngai bawk.

Squid Game film laluttu kaphlum dawn
Radio Free Asia chuan North Korea chuan an rama Netflix hit, Squid Game film laluttu mi pakhat chu kahhlum tura a chungthu relsak a nih thu a sawi.

Report chuan a ruka he film laluttu hi manchhuah a nih hnuah firing squad kahhlum turin tih a ni a, he film awmna USB leitu high school naupang chu dam chhung tang tura tih a ni bawk. He film lo enpuitu, high school naupang dang paruk pawh kum nga rim taka hna thawka tang tura hrem an ni bawk a ni.