'National state law' vangin Israel MP a bang

Israel Parliament-in Israel ram Juda ram dik tak tia a puanna, National state law a pawm avanga lungawi loin, Israeli Arab MP Zouheir Bahloul chu MPa nihna aṭangin a bang.

He dan thar hnuaiah hian Israel chu Juda te ramah pawm a nih bakah, official language aṭangin Arabic chu paih a ni bawk. Kum 67 mi, Zouheir Bahloul chuan Parliament chu National state law a pass chungchanga chi inthliarna kalpuiah puhin, Arabic aia Hebrai ṭawng dah chungnungah a puh bawk a ni. "He dan hian Israel-a Arab mite chu intluknain a huam ve theih loh turin a siam a ni", a ti.

Israel Parliament, Knesset chuan he dan hi July 19 khan a pass a, Israeli-Arab ten nasa takin an dodal a ni. Parliament-a Arab member awmte chu a bill copy-te hi pawtthlerin, a duh loh thu an aupui a, house aṭanga hruaichhuah an ngai hial a ni.