Kim Jong-un farnuin South Korea a vau
North Korea ram hotu, Kim Jong-un farnu, KimYo Jong chuan Inrinni liam ta khan South Korea laka sipai chakna hmanah a vau.
State news agency, KCMA-in Jong thusawi hi a tichhuak a ni. Jong chuan, "South Korea thuneitute nena kan inkar chhut chat hi a hun takzet tawh tawh a ni, a ṭul angin hma kan kan thuai ang," tiin a sawi. North Korea hian a hma pawhin South Korea activist-ten ramri
aṭanga NKorea sorkar demna thuziak an thehdarhte chu na takin a lo sawisel fo tawh a ni.
Kim Jong-un adviser pawimawh tak, Jong chuan, "Supreme Leader, kan Party leh sorkarin thuneihna min pek angin, Arms department hnenah hmelma te chung changa hma lak dan tur pawh ka hriattir tawh a ni," a ti. Mahse sipaite hi an eng ang takin nge hma an lak dawn tih erawh a sawilang duh lo.
Nimin khan South Korea National Security Council meeting pawh neih nghal a ni a, Korean peninsula boruakte an thlirho niin Blue Houes thuchhuah chuan a sawi.
SKorea unification ministry leh defence ministry chuan thuchhuah hran ve ve siamin, NKorea chu inter-Korean agreement an lo siam tawhte zah leh, zawm tura an phut thu an sawi. Defence ministry chuan NKorea sipaite chet dan an thlithlai reng thu leh, eng dinhmun pawh thleng se chhang let turin an sipaite an inpeih thu a sawi a ni.