Statue of Liberty-a lawn lui man

New York-a hmun hmingthang tak, Statue of Liberty-ah Nilaini khan hmeichhe pakhat chu lawn luiin, monument base-ah a ṭhu a, police ten manin an hreng zui nghal a ni.

Monunent base-a lawn lui hi kum 44 mi Therese Okoumou, DR Congo aṭanga pem lut niin media-te chuan an tarlang. US President Donald Trump-an dan loa US-a pem lutte khuahkhirhna policy a siam a duh lohna lantirna atana hetiang thil hi ti nia sawi a ni. A hma pawhin statue bula nawrh huaihawt mi eng emaw zat man an lo ni tawh bawk.

Statue of Liberty-a a lawn hmuh a nih hian National Park Service police leh New York City Police Departmet (NYPD) te koh an ni a, anni hian darkar thum chhung vel an buai`pui a ni. Hei vang hian New York Harbour-a Liberty Island tlawhtu khualzinte chu hruaichhuah an nih phah bawk.

Police-te hian darkar thum zet Okoumou hi chhuk turin an thlem hnuah an hruai sawn thei chauh a ni. Man nghal a ni a, thubuai siamsak a nih dawn leh dawn loh erawh prosecutor-te kutah dah a nih tih an sawi.