Mexico-a halpuah siamna hmunah kangmei chhuakah mi 24 thi

Mexico rama Tultepec khuaa halpuah siamna hmun chu puakin kangmei a chhuak zui a, mi 24 an thi a, midang 40 chuangin hliam an tuar.

Kangmei chhuak vanga thi zingah hian police officer leh kangṭhelhtute pawh an tel a ni. Thuneitute chuan an ram huna Ningani zing dar 9:40 vel aṭang khan Tultepec khaw daia factory-ah hian ṭum li thil a puak a, kangmei nasa tak a chhuak zui niin an sawi. Thil puah chhan hi hriatchian a ni lo a, chhui zui mek a ni. Tultepec khua hi Mexico City hmarlama awm a ni.