Taliban-te'n Afghanistan sorkar rawtna hnawl

Afghanistan sorkarin inremna kawng zawnga inbiakna neih a rawtna chu Taliban firfiak pawl chuan a hnawl.

Taliban thupuangtu Zabihullah Mujahid chuan an pawl thutlukna hi nimin khan puangin, Afghanistan rama ramdang sipai an awm chhung chuan sorkar chu inbiakna neihpui an duh lo tih a sawi. Mujahid chuan Afghanistan sorkar leh official-te chu khawthlang ramten an duh ang anga an kaihhruai theih, milem an pawh cheh theih ang chauh an nih thu a sawi bawk. 

Taliban chuan remna kawng zawnga inbiakna neih chu ṭha an ti reng a, mahse Afghanistan aṭanga ramdang sipaite lakchhuah phawt an phut tih an sawi a, hemi chungchangah hian Afghanistan sorkar ni loin, US chu direct-a biak an duh tih an sawi bawk.