Mike Pompeo-an NKorea puhna hnawl

US Secretary of State Mike Pompeo chuan North Korea-in meeting an neih zawh takah nuclear programme tihtawp turin Pompeo hian gangster tihdan phung ang maia chea a nawr nia a puhna chu a pha.

Kar hmasa khan Pompeo hian NKorea hi a tlawh a, NKorea ram hotu lu ber Kim Jong-un chu a hmu lo a, mahse Kim-a thachhang dawltu ber Kim Jong-chol nen Zirtawpni leh Inrinni khan meeting an nei a ni.

Pompeo chuan NKorea ram hrekna hlihna tur chuan nuclear programme a tihtawp a ngai tih a sawi.

Meeting neiha Pompeo-a thiltih dan hi NKorea foreign ministry official chuan na takin a sawisel a, mahse Pompeo chuan hei hi pha in, inbiakna ṭha tak an neih thu a sawi thung. Nuclear ralthuam tibo tura NKorea a nawr dan chu dan ang taka a kalpui thu a sawi bawk.

Pompeo chuan, "Nuclear ralthuam tibo tura kan nawrna chu gangster tihdan anga an ngai a nih chuan khawvel pum hi gangster a ni dawn a, a chhan chu UN Security Council-ah pawh lungrual takin thutlukna siam alo ni tawh a ni", a ti. Nuclear ralthuam tihtawp chungchang an sawipui pawhin NKorea chuan an ngenna siam chu a dodal lo tih a sawi a, hemi rual hian hemi tihhlawhtlin tur chuan hmabak ko tak tak hmachhawn a ngai dawn tih a pawm thu a sawi.