Turkey-in sorkar hnathawk 18,500 ban

Turkey sorkar chuan sorkar hnathawk 18,500 chuang te Pathianni khan a ban a, an zingah hian police officer, sipai leh academics te an tel.

Kum 2016 July thlaa sipai pawl ṭhenkhatten Turkey sorkar paihthlak tuma an beihna a hlawhchham hnu khan sorkar beihnaa inhnamhnawiha puhte dapchhuah hna hi thawh a ni a, sorkar chuan he thila inhnamhanwiha puh sorkar official 1,10,1000 chuang a lo ban tawh a ni.

Pathianni-a sorkarin hriattirna a tihchhuaha sorkar hnuaia thawk mi 18,632 chu ban an ni a, an zinga hian police officer 8,998 telin heng mite hi sorkar dodaltu firfiak pawl nena inzawmna nei nia puh an nih bakah, an ram himna tiderthawng zawnga cheah puh an ni.

Sipai 3,077 pawh ban niin, air force mi leh sa 1,949 leh naval force ami 1,126 ban an ni. Jutice ministry hnuaia thawk mi 1,052 te ban tel an ni bawk a ni. Thuneitute chuan academics 199 an ban tel a, hetihlai hian sipai leh ministry hnuaia thawk mi 148 hremte chu an hna thawh chhunzawm tir an ni bawk.

Kum 2016-a President Recep Tayyip Erdogan kaihhruai sorkar paihthlak tuma beih a nih aṭang khan Turkey-ah hian emergency puan chhunzawm a la ni. Turkey sorkar in sorkar beihnaa mawhphurtu berah hian US chu a hmasa ber an ni a, Muslim preacher Fethullah Gulen a puh a, hrem tawk zinga tam zawk pawh hi Gulen nena inzawmna neia puhte an ni. Gulen-a nena inzawmna neia puh mi 77,000 chuang man ni tawh bawk a ni.