Blood group A, B, Rh+ nei ten Covid-19 kai awlsam bik

Omicron variant darh mek karah, Delhi damdawi-ina doctor-te zirchianna neih chuan blood group A, B leh Rh factor positive-te chuan O emaw AB group leh Rh negative-te aiin Covid-19 an kai awlsam zawk tih an sawi.

Thawhlehnia thuchhuah an siamah, April 8 aṭanga October 4, 2020 inkar khan Sir Ganga Ram Hospital (SGRH)-a PCR (RT-PCR) hmanga Covid-postive hriatchhuah mi 2,586-te zirchianna an neih an nei tih an tarlang.

SGRH-a Department of Research and Department of Blood Transfusion Medicine zirchianna chuan "blood group A, B leh Rh+ te chuan Covid-19 an kai awlsam bik a ni" tiin a sawi.

Researcher-te chuan blood group leh hri kai natna langchhuak leh thihpuite hian inkungkaihna a neih loh thu an sawi nghal bawk.

Rhesus factor emaw Rh factor hi protein red blood cells (RBCs) chunglanga awm an ni. Blood group dawta positive emaw negative sign hi Rh factor tih an ni. Blood type hi a positive chuan blood cells te hian Rh protein an nei a, Rh protein an neih loh erawh chuan an negative tihna a ni.

Doctor-te zirchianna hi November 21-a tihchhuah 'Frontiers in Cellular and Infection Microbiology'-ah tarlan a ni.