Khawpui zinga khawsak hautakna ber Tel Aviv

Economist Intelligence Unit (EIU)-in khawpui hrang hrang zirchianna a neihte a tichhuaka, Tel Aviv chu khawvela khawpui zinga khawsak hautakna ber a ni.

Israel khawpui Tel Aviv hi a ṭum khatna atan khawpui zinga khawsak hautakna ber a rawn a ni a, hei hi thil man sang chak lutuk vang a ni.

EIU hian khawpui 173-te thil man leh service hrang hrangte, US dollar hmanga chhutin, Worldwide Cost of Living Index a siam a ni.

Tel Aviv hi an ram pawisa shekel leh US dollar inthlauhna sang leh, transport leh nitin mamawh man a san nasat avangin khawsak hautakna ber khawpuiah thlan a ni. Khawsak hautak lamah hian Tel Aviv dawtah Paris leh Singapore awmin, Zurich leh Hong Kong-in an dawt. New York chu parukna niin, Geneva khawpui chu pasarihna a ni. A sang zual 10 zingah hian Copenhagen, Los Angeles leh Osaka-te an awm tel bawk.

Kum 2020-a zirchianna neihah khan Paris, Zurich leh Hong Kong-te chu khawsak hautakna ber khawpuiah an pathumin thlan an ni.