Brazil President Bolsonaro-a'n Liberal Party a zawm

Brazil president Jair Bolsonaro chuan Thawhlehni khan official-in centre-right Liberal Party (PL) a zawm ta.

Kum 2019 aṭang khan President Bolsonaro hian political party zawm a nei lo a, party hrang din a tumnaah a mamawh zat tur signature a lakhawm zo lo a ni. Hei vang hian nakkuma President inthlan neih tur thlirin official-in PL hi a zawm ta a ni.

Kum 2019 inthlana a chak hnuah, Bolsonaro hian party hruaitu nena inhriatthiam lohna an neih avangin Social Liberal Party (PSL) a chhuahsan a, mahse kum 2022 President thlan turah chuh leh a tum chuan political party zawm a neih a ngai a, PL-ah hian a lut ta a ni. Politics huang chhungah kum 30 a awm chhungin PL hi political party a zawm pakuana a ni bawk.

Kum 66 mi, President Bolsonaro hi an rama hri leng a do letna kawngah sawisel a tawk nasain, bang tura nawrna pawh a nasa hle. Brazil-ah hian hripui vangin mi nuai ruk chuang an thi tawh a ni. Hei bakah hian eiruknaa inhnamhnawihah puh a ni bawk a, mahse an puhna hi a pha thung. October thla aṭang khan Senate commission chuan Bolsanaro kaihhruai sorkarin Covid-19 hri leng a do dante chhui bawk a ni.