Donald Trump-ah Supreme Court judge atan Brett Kavanaugh rawt

US President Donald Trump chuan tuna thlaa chawl tur, Supreme Court judge Justice Anthony Kennedy thlak turin federal appeals Judge Brett Kavanaugh a rawt.

White House aṭanga thu a sawiah, Trump chuan Kaavanaugh a rawt thu hi sawiin, judge-te judge ni thei hiala mi thiam niin a sawi. Supreme Court judge atan hian midang hming sawilan pawh a awm a, chungte chu federal appeals judge Thomas Hardiman, Amy Coney Barrett leh Raymond Kethledge te an ni. An zinga aṭang hian Trump chuan kum 53 mi, Kavanaugh hi a thlang ta a ni.

Kavanaugh hi kum 2006 aṭang khan District of Columbia Circuit-a US Court of Appeals judge a ni a, hemi hma hian President hlui George W. Bush hnuaiah associate counsel leh assistant to the president leh staff secretary te a lo ni tawh bawk.

Yale College leh Yale Law School aṭanga graduate niin, Ken Starr hnuaiah Office of Independent Counsel-ah counsel niin, Kirkland & Ellis, LLP-ah a thawk tawh bawk a ni.