Turkey President thar lalut

Turkey President Recep Tayyip Erdogan chu Thawhṭanni khan Parliament-ah president thar atan lakluh a ni a, Turkey ramah hian presidential system hman ṭan a ni ta a ni.

President thar atana lakluh a nih hnua thu a sawiah, Erdogan chuan an rama inrelbawl dan, parliamentary system aṭanga presidential system-a thlakna chu official-a kalpui ṭan a ni ta tih sawiin, he kalphung tharah hian kawng hrang hrangin nasa zawka hmasawn tura an beih tur thu a sawi.

Turkey president thar lakluh inkhawm hi ramdang palai leh mi pawimawh eng emaw zatin an telpui a ni.

Erdogan hian kum 15 zet Turkey hruaitu dinhmun hi lo chelh tawh mah se, presidential system kalpui a nih hnuah thuneihna sang zawk neiin, judiciary chungah pawh thu a nei thei tawh dawn a ni.