Imran Khan-a party candidate pakhat hnawl

Pakistan ram inthlanpui neih tura Imran Khan-a party Pakistan Tehreek-e-Insaf candidate pakhat, Nasir Cheema chu an ram sipai hotu lu ber Qamar Javed Bajwa leh Chief Justice Mian Saqib Nisar thlalakte a hman avangin candidate a nihna a hnawlsak.

Dawn News-in a tarlan danin, PTI candidate hi Election Commission of Pakistan-in electoral code of conduct a siamte a bawhchhiat avangin disqualify a ni tih a sawi. Kar hmasa khan Cheema hi a thlalak hman chungchangah, Army Chief leh Chief Justice-te nen chuan inlaichinna an nei em tih te an lo zawtfiah tawh a ni.

Cheema hian Thawhṭanni khan EC hnenah hian a chhanna thehlutin, hemi ni vek hian disqualify a ni ta a ni.