China-in Japan PM hlui thusawi vangin Japan palai meeting neihpui

China foreign ministry chuan an rama Japan ambassador Hideo Tarumi chu Taiwan chungchanga Japan prime minsiter hlui chungchanga a lungawi loh avangin Nilaini khan emergency meeting a neihpui.

Japan prime minister hlui Shinzo Abe chuan China-in Taiwan a bei a nih chuan Japan emaw, US emaw chuan an lo thlir mai mai dawn lo tiin a sawi a ni.

China assistant foreign minister Hua Chunying chuan Abe thusawi hi thil dik lo, Japan leh China inlaichinna thuthlung bawhchhiatna a ni tih Japan palai hnenah hian a lo hrilh. Abe thusawi hian China ram rorelna cho letna, Taiwan independence force-te thlawhna lantirna a ni, a ti. Hei hi China chuan a duh lo hle tih a sawi.

Shinzo Abe hi nikum khan Japan prime minister a nihna aṭangin a bang a, mahse rorellai Liberal Democrat party-ah hruaitu pawimawh tak la niin, party chhungah pawh huhang a la nei lian hle a ni.