Taliban leh Myanmar sipaite UN seat la pe duh lo

United Nations Accreditation Committee chuan Taliban leh Myanmar sipai(military junta) te seat dilna chu an pawmsak duh lo.

UN committee hi Nilaini khan neih a ni a, Afghanistan-a Taliban kaihhruai sorkar leh Myanmar-a sipai sorkar aiawh tur chungchang dah tur hi an la tifel duh lo a ni. Afghanistan leh Myanmar ambassador ni mekte chu an ram aiawhtu atan hian pawm chhunzawm an ni dawn em tih sawichian a ni lo.

He thuthlukna avang hian Islamic Emirate of Afghanistan leh Myanmar sipai sorkar chuan member 193 awmna world body-ah hian seat an nei ve thei rih dawn lo a ni.

Taliban nonimee, Sohail Shaheen-an Afghanistan mipuite chuan an zalenna hmu tura an beih thu leh UN-ah palai nei tura dikna an neih thu a sawi. Myanmar sipai sorkar hian veteran Aung Thurein chu UN palai atan hian a nominate bawk.