Libya court-in President candidate-ah Saif Gaddafi dah let leh

Libya electoral commission-in an ram President thlanna neih tura chuh tum, Libya ram hruaitu hlui Muammar Gaddafi fapa Saif al-Islam Gaddafi nomination paper a hnawlsak hnuah, court chuan Gaddafi hi inthlanah hian a chuh remtihsak in candidate zingah a dah let leh.

Gaddafi lawyer, Khaled al-Zaydi chuan nomination paper hnawlsak a nih chungchang hi court-ah an thlen hnuah, Sebha court chuan tun thla tawp lama President thlanna neih tura a chuh hi a phalsak leh ta tih a sawi.

Electoral commission hian an ram electoral law-in pawikhawihna thubuaiah thiam loh chantir tawhte chu inthlana chuh a phalsak lo nia sawiin, Gaddafi-a'n inthlan a chuh tumna hi a lo hnawlsak tawh a ni. Gaddafi bakah inthlana chuh tum dang mi 24-te pawh a hnawl tel bawk a ni.