Brussels-ah NATO summit hmang

NATO (North Atlantic Treaty Organization) summit, ni hnih awh tur chu Nilaini leh nimin khan Brussel-ah neih a ni.

Member ram 29 awmna NATO summti hi kumtina neih ṭhin ni mah se, kumin summit neih bik hi a hmaa US President Donald Trump-an a lo sawisel fo avangin ngaihven a hlawh zual a ni. Kum 2017, January thlaa US President atana lakluh a nih hnu aṭang khan Trump hian NATO hi na tak takin a lo sawisel fo a, member dangte aia US-in NATO tan suma a seng hnem bikte chu a lungawi loh thu a sawilang fo a ni. Summit neih ni hmasa berah Trump hian NATO member dangte chu an annual output (GDP) aṭanga 4% chu sipai tana hmang turin a nawr leh a ni.

Summit-ah hian NATO hruaitute chuan Georgia leh Ukraine chungchang an ngaihtuah tel a, heng ram pahnihte hian NATO hi zawm an duh a ni. A ni hnih ni-ah hian kum 2024 thlenga Afghan security force ṭanpuina pek chungchang ngaihtuah a ni bawk.