Firfiakten an beih duh tur zingah Imran Khan a tel

Pakistan National Counter Terrorism Authority (NACTA) chuan July 25-a inthlanpui an neih tur denchhena election campaign an neihnaa firfiakten an beih leh bitum duh tur zingah politician eng emaw zat an awm tih sawiin, heng zingah hian Pakistan Tehreek-e-Insaf chief Imran Khan pawh a tel.

NACTA chuan firfiakten an beih hlauhthawnawm zingah hian PTI chief Imran Khan, Awami National Party president Afsandyar Wali, Qaumi Watan Party’s Aftab Ahmad Khan Sherpao, Jamiat Ulema-e-Islam-Fazal leader Akram Durrani leh ANP leader Ameer Haider Hoti te pawh an tel niin a sawi a, hemi chungchang hi Senate panel hruaitute bakah Interior Ministry, provincial home department leh agency dangte pawh a hriattir tawh a ni.