Israel sipai ten Syria sipai post kap

Israel sipaite chuan nimin zing khan Golan Heigh frontier-a Syria sipaite post an bei tih an sawi.

Thuchhuah siamin Israel sipaite chuan Nilaini-a an ram hmarlama Syrian drone tirh luh a nih chhan letna atan Syria sipai post pathum an kap tih an sawi. Syrian drone pawh hi an lo kahthlaksak a ni.

Israel Defence Force chuan Israel ram china Syrian drone thlawhtir a nih chungchangah Syria sorkar cu mawhphurtuah a ngai a, hetianga dan kalha thiltih a awm leh a nih chuan Israel sipaite chuan na takin an chhang let zel dawn a ni, tiin an tarlang.

Syria state media-te chuan nimin zinga Israel sipaiten an beih hi Quneitra province-a Hader khaw bula sipai hmun a ni tih an sawi. Israel thlawhtheihna aṭangin missile eng emaw zat kah chhuah a nih thu an tarlang a, mahse heng missile ṭhenkhat hi Syrian air defence chuan a lo dang a ni, an ti.