Daraa province-a khaw tam zawk Syria sipai kuta inpe

Syria chhim lam, Daraa province-a khaw eng emaw zata helte chu Suyria sipaite kutah an ralthuamte nen an inpe. Syria sipaite hian helho kuta khua la awmte laklet tumin kumin June 19 aṭang khan beihpui an thlak a ni.

State news agency SANA chuan Daraa khawthlang lama Inkhil leh Jasem khuaa helte chuan Inrinni aṭang khan sipaite kuta an ralthuamte an pe lut ṭan niin a tarlang. Sipaite hian helho kut aṭangin khaw tam zawk an lalet tawh a, Daraa province-a hmun 84% chu sipaite kutah hian a awm tawh a ni. Sipaite hian Daraa-a Jodran ramri hrul bialte pawh an la vek tawh a, kum 2015 aṭanga khar tawh Nasib crossing pawh an lalet tawh bawk.

Syrian Observatory for Human Rights chuan khaw dangte pawh sipaite kuta inpek tumin an inbuatsaih mek tih a sawi, hetihlai hian khaw ṭhenkhatah chuan hel zingah sipai kuta inpek duh leh duh loh an la awm thung.