Afghanistan-ah civil mi thi tam

Afghanistan tualchhung indona thleng vangin kumin kum chave chhungin civil mi 1,692 an thi a, hei hi kum 2001 hnua thla ruk chhunga thi an tam ber ṭum niin UN chuan a tarlang.

Civil mi thi tam zawkte hi firfiakten an beihna leh thihchilh bomb puaka thi te an ni.

United Nations Assistance Mission in Afghanistan (Unama) chuan thi zat hi Nikum kum chanve hmalama thi aiin 1% in an tam zawk niin a sawi.

Tun hnaiah Taliban leh Islamic State (IS) fifiakte chuan Afghanistan ramchhungah pawikhawihna an thlen fo a, mi tam takin nunna an chan a ni. Tun thla tir lam khan NATO hruaitute chu Brussels-ah inhmukhawmtin, Afghanistan tualchhung buaina chungchang hi an sawiho a ni. NATO hian kum 2014 khan Afganistan rama firfiakte laka beihpui a thlak a lo titawp tawh a, Afghanistan security force-te kutah dahin training pawh a pe zui a ni.