Nigeria rama Sokoto state-a bus kangah mi 30 thi

Nigeria rama Sokoto state-ah Thawhlehni khan misual ralthuam kengten bus beiin an hal a, a chhunga chuang passenger 30 an thi tih police leh tualchhung mite chuan an sawi.

Misual rual, tualchhung miten bandits tiha an sawi ṭhinte hian kumdangah pawh khawchhung mi leh highway-a khualzin veivakte an bei fo a, ramchhunga school naupang 100 chuangte chu tlanna sum phutin an ru bo fo tawh a ni.

Nigeria hmar thlanglam, Borno state thupuangtu Sanusi Abubakar chuan ralthuam kengten'a bus an halah hian passenger 24 an chuang a, mi pasarih-te chuan hliam tuarin, damdawi-inah hruai nghal an ni tih a sawi.

Mahse tualchhung mi pahnih; chhanchhuah hna thawhna puitute chuan sorkarin a sawi aiin bus-a chuang hi an tam zawk a, ruang tam tak chu tu tih hriat loin an taksa a kang chhia niin an sawi. Ruang an chhiar theih chin chu mi 30 vel an nih thu leh, an zingah hian hmeichhia leh naupangte pawh an tel thu an sawi.

Bandit te hi bike hmanga kal kualin ramngaw lamah an biru ṭhin a ni. Tlanna sum phutin mi an rubo fo ṭhin a ni.