Portugal Parliament-in ram kang endik leh zirchiangtu dinna tur pawm

Portugal Parliament chuan an ram chhunga ram kang thleng ṭhin endik leh zirchiangtu tur, Independent Technical Observatory dinna tur chu Nilaini khan a pawm.

Independent Technical Observatory-ah hian national leh international expert 10 awmin, hengte hian ram kang tur venna kawngah te, civil mite venhimna lamah te leh kangmei chhuak ṭhelhna kawngah te mawhphurhna an nei dawn a ni.

Member zinga paruk chu Parliament speaker-in a ruat dawn a, Council of Rectors of the Portuguese Universities leh Coordinating Council of the Portuguese Polytechnical Institutes-ten pahnih ve ve an ruat bawk ang.

Observatory hian annual report pahnih a thehluh ṭhin ang a, June 30 leh December 30-ah te an thehlut ṭhin dawn a ni.

Nikum June leh October thla khan Portugal ram laili leh hmarlamah ram nasa takin a kang a, ram kang vang hian mi 100 chuangin nunna an chan a ni. Portugal sorkar chu ram kang venna leh a ṭhelhna kawnga hma la ṭha tawk loha puhin dem a hlawh hle a ni.