US-in Air Force One pahnih lei dawn

US President thlawh-theihna, Air Force One pahnih leina turin Boeing chu dollar tluklehdingawn 3.9 contract an ziahpui niin White House chuan a tarlang.

Thlawhtheihna thar hi kum 2024-ah peihfel hman beisei a ni a, tuna an thlawhtheihna hman mek hi kum 31-a upa a ni tawh a ni. White House chuan a tira a man bituk zat, dollar tld 5.3 tih chu dollar tld 1.4 in an dawn hniam thei niin a sawi bawk. US President Donald Trump chuan Air Force One tharte hi rawng var leh pawla chei ṭhin chu thlakin, US nihna nena inhmeh zawk tur rawng sen, var leh pawl a chei an ni tawh dawn niin a sawi.