Iran-in Donald Trump manna tur thupek chhuah

Iran chuan US-in kumin January 3-a Iranian major general Qasem Soleimani an thah avangin US president Donald Trump manna tur thupek a tichhuak a, man a nih theih nan Interpol (International Criminal Police Organisation) pui turin a sawm bawk.

Interpol-in Iran aṭanga ngenna an hmuh hnu hian committee neiin an sawiho nghal a ni. Interpol chuan politics-a inbeihna thil leh ṭulloa inrawlh a tum loh thu a tarlang. Tehran prosecutor Ali Alqasimehr chuan Trump leh mi dang 35-te chu Baghdad-a US drone hmanga Soleimani thah a nihnaah khan an inhnamhnawih tih a sawi a, hei vang hian firfiaka cheah a puh a ni. Tual a thah avangin Trump chu man turin Interpol hnena ngenna a siam tih a sawi.