Myanmar sipaite beihpui thlak tur vangin mi tam tak tlanchhia
Myanmar khaw-thlang, Rakhine state-a cheng mi sang tel chu sipaiten helho lakah beihpui an thlak dawn avangin hmun him lam panin an tlanchhia.
Kar liam ta khan Rakhine state sorkar chuan Rathedaung township huam chhunga roreltute hnenah, siapiten helho laka beihpui an thlak dawn avangin khawchhung mite chu insaseng tura hriattir turin a hrilh a ni. He thupek hi Zirtawpni liam ta khan sut leh mah se, thingtlang khaw 40 chuang aṭangin mi sang tel chu hmun him lam panin an la tlanchhuak chhunzawm reng a ni. Parliament upper house-a member, Khin Maung Latt chuan sorkarin thupek a tihchhuah aṭangin mi 10,000 chuangin an khua an chhuahsan tawh tih a sawi.
Kum 2017 khan Myanmar sipaite chuan Rakhine-a Muslim Rohingya te laka beihpui an lo thlak tawh bawk a, Rohingya nuai sarih chuang chu Bangla-desh ramah tlanchhiain, tun thlengin refugee camp hrang hrangah an
la awm.