Hong Kong democracy activist 3 thiam loh chan tir

Hong Kong court chuan pro-democracy activist pathumte chu nikum June 4-a Tiananmen Square-a thil thleng hriatrengna hun buatsaih a, phalna nei loa punkhawmna hun buatsaihah puhin thiam loh a chantir.

Kum 1989, June 4 khan Beijing-a Tiananmen Square-a zirlaite kaihhruaia democracy movement kalpuia nawrh huaihawtte chu China sipaiten ralthuam nen beiin, mi sang tel an thi a ni. Kum 1997-a China rorelna hnuaia an awm leh tak hnuah, Hong Kong-ah hian democracy thlawptute chuan Tiananmen Square-a thil thleng hriatrengna hi June 4 hian an hmang ta ziah a ni. Mahse kum hnih liam ta chhung khan hripui leng vangin police-ten punkhawm hi an khap.

Court-in thiam loh a chantirte hi media tycoon Jimmy Lai, activist Chow Hang-tung leh opposition politician Gwyneth Ho te an ni. Jimmy Lai leh Chow Hang-tung te hi hriatrengna hun buatsaiha tel tura mipuite fuihah puh an ni a, Chow hi punkhawmna hmunah hian telah puh a ni thung. Mahse a pathum hian an puhna hi an pha vek a ni.