UN rights chief-in annexation plan titawp turin Israel ngen

United Nations human rights chief, Michelle Bachelet chuan Thawhṭanni khan Israel hnenah, Palestinian ram a luahsak West Bank-a ram zauh a tumna chu tihtawp turin a ngen. He thil hian buaina nasa tak a chawh chhuah a hlauhthawnawm tih a sawi bawk. 

Hetih lai hian Israel prime minister Benjamin Netanyahu kaihhruai sorkar chuan West Bank-a ram zauh a tumna chu vawiin aṭangin kalpui a tum a ni. Hei hi Palestinian, Arab ramte leh ram dangte pawhin an sawisel fo a ni. 

Palestine prime minister Mohammad Shtayyed chuan Israel-in West Bank-a ram zauh a tumna hi Palestinian mipuite tana thil hlauhawm tak a ni dawn tih sawiin, inremna a awm theihna tura hma la turin Europe ramte a ngen. He ruahmanna hi Israel-in a kaltlangpui a nih chuan, West Bank-a mi chauh ni lo, Palestinian ram dangte dinhmun pawh a him lo vek dawn a ni, a ti.  

Israel-in Palestinian ram a luah zauh a tumna hi Palestinian pawl zawng zawngten duh loin dodal mah se, he ruahmanna hi US chuan a pawmpui thung.