Venezuela-in EU ambassador hnawtchhuak

Venezuela president Nicolas Maduro chuan an ram khawpui, Caracas-a European Union (EU) mission hotu, Isabel Brilhante Pedrosa chu Thawhṭanni khan darkar 72 chhunga an ram chhuahsan turin a hriattir. 

President Maduro hian EU-in Venezuela official 11-te hrekna a siam avangin phuba lak nan EU palai hi a hnawtchhuak zui ve nghal a ni. EU-in Venezuela official a hrekte hi Venezuela eptu hruaitu leh khawthlang ram tam zawkin president atana an pawm, Juan Guaido kaihhruai National Assembly dodal zawnga an chet vang a ni. Heng mite nen EU-in Venezuela official hrek hi mi 36 an tling tawh a ni. Guaido hi nikum kumtir khan Venezuela interim president-ah a inpuang a, US leh EU ramten an pawm a ni. National Assembly thunun zawk mah se, Guaido hian president dinhmun aṭangin Maduro hi a paihthla thei lo a ni.