Chinese researcher-ten swine flu thar hmuchhuak

US science journal PNAS chuan Chinese researcher-te chuan swine flu thar, khawvel huapa darh thei tur an hmuchhuak niin a tarlang. 

He swine flu hmuh chhuah thar hi G4 tih a ni a, kum 2009-a khawvel puma leng, H1N1 aṭanga rawn insiam niin an sawi. He hri hi mihringah pawh a kai theihna a sang hle niin  China-a Center for Disease Control and Prevention chuan a tarlang. 

Kum 2011 leh 2018 chhung khan he hri chungchang hi zirchiangin, China rama province 10-a ran talhna hmuna vawk nasal swab 30,000 an lakkhawm a ni. Heng sample aṭang hian swine flu virus 179 an hmu a, an zirchian leh hnuah a tam zawk hi virus thar tih an hre thei a ni. 

Swine flu thar an hmuh chhuah hi mihringin a kai chuan, a hlauhawm thei dawn a, khawvela pumah a len leh mai a hlauhthawnawm dawn niin researcher-te chuan an sawi. Hei vang hian vawk enkawl hna thawktute dinhmun chu uluk taka enfiah an ngai tih an sawi.