Trump-an US-a zin turin Putin a sawm

US President Donald Trump chuan Russia President Vladimir Putin chu US a zin turin a sawm tih a press secretary, Sarah Sanders chuan a sawi.

Sarah Sanders-i chuan Putin-an zin tur chungchanga hi sawiho mek a ni tawh niin a sawi bawk.

Donald Trump leh Vladimir Putin-te hian Thawhṭanni khan Finland khawpui, Helsinki-ah summit an nei a, mahse meeting-a an thu sawidun te erawh puanzar a ni lo.

Trump chuan Putin-a nena meeting an neih chu a hlawhtling hle niin a sawi a, meeting neih leh hun pawh a nghahhlelh thu a sawi. Hetihlai hian Russia lam chuan Trump-Putin meeting vawi hnihna hi neih leh a ni dawn em tih chungchang engmah a sawilang lo.