Hong Kong activist-te hremna tichhuak

Hong Kong court chuan pro-democracy activist pariatte chu kum 1989-a Tiananmen Square-a China sipaiten nawrh huaihawtte an beihnaa thite hriatrengna hun, nikum Hong Kong buatsaiha an tel avangin thiam loh a chantir hnuah, nimin khan hremna tur a tichhuak.

Nimina activist hremna tihchhuah zingah hian media tycoon Jimmy Lai (74), barrister Chow Hang Tugn (36) leh activist Gwyneth Ho (31) te an tel. Jimmy Lai hi jail-ah a tang mek a, thla 13 tang tura hremna pek a ni. Lai hi national security law hnuaiah thubuai siamsak a ni bawk a, he thubuaiah hian thiam loh chan tir a nih chuan damchhung tang tura hrem theih a ni ang. Chow Hang Tung hi thla 12 leh Gywneth Ho hi thla 6 tang tura hrem an ni a, midang pangate chu thla 4-14 inkar tang tura hrem an ni bawk a ni.

Kum 2020-a Tiannan­men Square-a thil thleng hriatrengna hun buatsaih kaih­hnawihah hian a hmain activist 16-te chuan thiam loh chantirin, thla 4-10 tang turin hrem an lo ni tawh bawk. Thubuai siamsak zinga mi, democracy campaigner Nathan Law leh Sunny Cheung-te chu Hong Kong aṭangin an tlanchhuak a ni.