Sri Lanka President-in Parliament session hun sawn hla Sawi lawk loin Singapore-ah a zin

Sri Lanka president Gotabaya Rajapaksa chuan Parliament session chu kar khatin a sawn hla a, sawi lawk loin Pathianni khan Singapore-ah a kal zui nghal bawk.

Sorkar lam chuan President-in Parliament session neih hun tur a sawn hlat chhan hi a la sawifiah lo.

Parliament session hi kar liam ta Zirtawpni khan zoin, nakkum January 11-ah neih chhunzawm leh tura tih a ni. Mahse Pathianni khan President chuan January 18-a neih turin a sawn a, hemi chungchanga thuchhuah a siam hnu lawkah Singapore a pan nghal a ni.

Presidential official chuan a zinna chhan hi mimal thil niin a sawi a, a bak a sawilang lo. Mahse report ṭhenkhat chuan in entir tura zin niin an sawi. Kum 2019 May thla khan kum 72 mi, President Rajapaksa hi Singapore-a Mount Elizabeth hospital-ah a lung zai a lo ni tawh a ni.