Indonesia-ah magnitude 7.4-a nain lir a nghing

Indonesia ram khawchhak lamah nimin khan magnitude 7.4-a nain lir a nghing a, mahse thil tihchhiat lian tham erawh a nei lo.

Lir nghin ṭanna hi Flores Island-a Larantuka khaw hmarthlang lam, km 112-a hlaa Flores Sea-ah a ni a, an ram huna zing dar 3.20-ah a nghing a ni. Lir nghing vang hian tsunami warning pawh tihchhuah nghal ni mah se, darkar hnih hnuah sut leh nghal a ni.

Magnitude 7.4-naa a nghin hnu hian aftershock vawi 15 vel a awm leh bawk a, heng zingah hian magnitude 5.6-a na pawh a tel.

Indonesia ramah hian lir nghing na tak a thleng fo a, kum 2004 khan magnitude 9.1-a nain Sumatra Island-ah a nghing a, he lirnghingin tsunami na tak a thlen avanga chhiatna thlengah Indonesia, Sri Lanka, India, Thailand leh ram dang pakuaah mi nuai 2.3 chuangin nunna an chan a ni.