Brazil-ah tuilian vangin mi 10 thi tawh

Brazil rama Bahia state-ah tuilian leh ruah sur nasa vangin mi 10 an thi tawh tih chhanchhuah hnathawktute chuan an sawi.

Tuilian vang hian mi 20,000 chuangte chu an chenna in chhuahsan tura tih an nih thu Civil Defense agency chuan sawiin, khaw 51 te'n state of emergency an puang tawh bawk.

Ni ruk liamta aṭanga ruah sur hi cyclone vanga thleng niin, kartawp aṭang khan ruahsur hian zual lam a pan belh leh a ni.

Ruahsur vang hian thingtlang khaw tam tak tlawhpawh theih loin an awm mek a, hei vang hian relief team tan pawhin chetchhuah a harsat phah hle.Pathianni khan military firefighter 200 chuangte chuan helicopter pahnih hmangin tuilenna hmuna mipui chengte chhanchhuah hna an thawk a ni.