Ghana-in Covid vaccine la lo phurtu thlawhtheihnate chawi tir zel dawn

Ghana sorkar chuan an rama thlawhtheihna luta khualzin, Covid-19 vaccine la lo phur an awm chuan airline-te chu sum a chawi tir zel dawn.

Vawiin aṭanga hman ṭan tur, dan a siam tharah hian Ghana sorkar chuan an khawpui, Accra-a Kotoka international airport-a ṭum, thlawhtheihna chuang zinga Covid vaccine la lo an awm chuan thlawhtheihna neitu, airline chu mi pakhatah USD 3,500 zel a chawitir dawn a ni. He airport aṭanga thlawk chhuak turte pawhin health declaration form an thehluh zel a ngai dawn bawk a, thehluh lo an awm chuan airline-te hian sum an chawi dawn bawk a ni.

Sorkar chuan tun hnai kar hnih chhunga an rama hri kai hmuh chhuah thar zinga 60% chu airport kaltlanga lutte an ni tih a sawi a, hei vang hian kaihhruaihna khauh zawk hi a siam thar a ni. Ghana hi Africa rama testing programme nei ṭha ber zinga mi niin, Covid-19 hri a len hnuah hri hmuhchhuah hi 1,32,00 awm tawhin, an zinga 1,243 in an thihpui tawh a ni.