LA police-te'n mi hrengtu man

US-a Los Angeles police-te chuan kar kalta Inrinni-a Trader Joe's dawr chhunga a silai nena mi hrengtu chu darkar thum hnuah an man thei.

Pawikhawihtu hi a pi leh hmeichhe dang pakhat kapa puh a nih avangin police-te hian an umzui a, Trader Joe's dawr kawtah police hi kap letin, dawr chhungah a tlan lut zui a ni. Dawr chhunga awmte hi a hreng zui bawk. Police-te chuan phone-a biain inpe turin an ti a, darkar thum vel hnuah dawr aṭang hian chhuakin police kutah hian a inpe ta a ni. Dawr chhungah hian mi 20 vel an awm a ni. Police-te chuan pawikhawihtu hi a hming an puangzar lo a, kum 28 mi a ni tih chauh an sawi. Dawr chhunga a awm lai hian hmeichhe pakhat a kaphlum niin an sawi bawk.