Iran-ah lir a nghing

Iran chhim lamah, Hormozgan province-ah nimin khan magnitude 4.7 leh 5.7-a nain lir a nghing. Lirnghing hian thil tihchhiat lian tham a nei lo a, thi an awm lo nia sawi a ni bawk.

Hormozgan offical chuan lirnghinna hmun hi Fars leh Hormozgan province inrin hmuna nih thu a sawi a, report kimchang an la dawng lo tih a sawi.

Iran ramah hian lir a nghing fo a, ṭhenkhat chuan chhiatna nasa tak a lo thlen tawh a ni. Kum 2017 November 12 khan magnitude 7.3-a nain Iraq leh Iran ramri bulah lir a nghing a, mi za tel an thih bakah mi tam takin hliam an tuar a ni. He lirnghing hian chenna in tam tak a lo tichhe tawh a ni.