Vietnam tuilianah mi 10 thi

Vietnam ramah ruahsur nasa avanga tuilianah mi 10 an thi a, chin hriat lohin mi 11 an awm mek niin, Central Steering Committee for Natural Disaster Prevention and Control chuan a tarlang.

Thi zinga mi pariat hi Yen Bai province ami an ni a, pahnih Thanh Hoa province a mi an ni. Chin hriat loha awm zinga pakua chu Yen Bai province ami an ni bawk.

Kar kalta chhunga Vietnam ram laili leh hmar lam biala ruah sur nasa avangin hmun tam takah tuilian leh leimin an tuar a, chenna in 100 chuang a chhiat bakah in 3,000 chuang chu tuiin a chim a, thlai chinna leh sangha khawina dilte pawh tuilian hian a chim nasa hle. Hetihlaih lian khaw chin zirtute chuan ruah hi ni eng emaw chen a la sur chhunzawm dawn niin an sawi a, Than Hoa leh Nghe An province-ah tuilian leh leimin a la thlen chhunzawm a hlauhawm hle niin an sawi.