Nawaz Sharif-a hriselna a ṭha lo

Pakistan prime minister hlui, eiruk thubuaia thiam loh chantir vanga jail-a tang mek Nawaz Sharif-a chu a kal (kidney) a ṭha lo a, damdawi-ina enkawl thuai a ngai nia sawi a ni.

Nawaz Sharif-a hi Rawalpindi-a Adiala Jail-ah a tang mek a, Pathianni khan medical board chuan endikin, a kal a ṭha lo hle tih an sawi a ni. Medical board chuan a rang thei anga damdawi-ina dahluh a ngai tih sawiin, a tanna jail chhunga medical center-ah chuan damlo enkawlna tur ṭha a awm lo niin an sawi.

Hetihlai hian sorkar lamin Sharif-a medical report a tarlan chu a dang thung a, medical test neihpui a nih hnuah Sharif-a hian hetiang natna hi a nei lo niin a sawi thung.

Sharif, a fanu Maryam leh a makpa Mohammad Safdar-te chuan an sum lakluh phu loa hausaa puha eiruk thubuai siamsakah thiam loh chantir an ni a, kar hmasa khan London aṭanga Pakistan-a an kir chu Lahore airport-ah man niin, Adiala jail-ah hian dah nghal an ni.