Trump-an US vau lo turin Iran President hrilh

US President Donald Trump chuan Pathianni zan khan Iran President Hassan Rouhani chu US vau lo turin a twitter kaltlangin a hrilh a, a nih loh chuan Iran chuan a nghawng na tak a tuar dawn a ni, a ti.

Iran President Rouhani hian Pathianni khan Trump hi vauin, sakei meiah rahsak lo turin a lo ti tawh a, a nih loh chuan Iran nena an an buaina chu indona zawng zawnga nasa ber a ni thei dawn niin a lo sawi a ni. Hei hi President Trump chuan a twitter-ah a chhang nghal a, Iran chu US vau lo tura tiin, a ti lui a nih chuan khawvel chanchina tawrhna thleng nasa ber zinga mi ang chu an tawng ve dawn tiin a vau let a ni.

Kumin May khan Iran leh khawvel ram thiltithei parukten Iran nuclear deal an lo siam tawh aṭangin US hi a inhnukdawk a ni. He inremna siamah hian Iran nuclear program khuahkhirhna tur siamin, hemi avang hian ram parukte hian Iran ram an hrekna an hlip ve thung a ni. Mahse President Trump chuan he inremna siam hian a huam zau tawk lo a, inremna siam tawh zinga ṭha lo ber zinga mi nia sawiin a inhnukdawk a ni. Nuclear deal aṭanga US a inhnuhdawh hnu hian Iran ram hrekna thar a siam zui nghal bawk.