Mormon biak-in beihnaah mi pakhat thi

US-a Nevada-ah Pathianni khan Mormon church chu silai kengin a bei a, mi pakhat a thi a, midang pakhatin hliam a tuar bawk.

Fallon Police hotu Kevin Gehman chuan kum 48 mi John Kelley O'Connor chu biak-in chhunga hian lutin silai a hmetpuah a, hemi hnu hian a in lamah a kir leh nghal niin a sawi. Pawikhawihna thleng hi police-te hriattir a nih hnuah police-te chuan O'Connor-a in hi an pan nghal a, police kutah hian an lo inpe a ni.

Gehman chuan O'Connor hian biak-in a beih lai hian mi 50 vel an awm a, mahse mi pakhat chauh a bitum bik nia a lan thu a sawi. A pawikhawihna chhan hi hriatchian a ni lo.