Italy-in March 2022 thleng coronavirus state of emergency pawtsei

Italy sorkar chuan ramchhungah coronavirus hripui leng vanga state of emergency a puan chu thla thum dang an pawtsei.

December 31 thleng awh tur state of emergency hi nakkum March 31 thleng atan a pawtsei leh ta a ni.

He thupek hnuaiah hian Krismas leh Kumthar chawlh chhunga hri leng thawh lina a thlen loh nan sorkar chuan khuahkhirhna a siamte chu a lekkawh chhunzawm thei ang.

December 6-January 15 thleng restaurant, bar, cinema hall, gym, nightclub leh stadium kal tur te chuan "super green pass" an neih ngei a ngai a, he certificate hi vaccine dose kimin a la tawh emaw thla ruk liamta chhung khan coronavirus kai dama puan ani tawh tih emaw nemnghehna a ni.

Vaccine dose kima la lo te chuan vantlang hmun leh local transport an hman dawn chuan green pass pangngai (Covid test-ah an negative tih lantirna ) an hmuh a ngai thung.

Italy-ah hian thla 12 chhung atan state of emergency an puang thei a, thla 12 thleng pawtsei leh theiin, kum hnih chhung an hmang thei a ni. Kum hnih chuang hmang tur chuan bill hran an siam hnuah Parliament chamber pahnihin a pawmpui leh a ngai a ni.