NKorea-in Parliament inkhawm ko dawn

North Korea rubber-stamp parliament, North Korean Supreme People's Assembly (SPA) rorel inkhawm chu nakkum February 6 hian neih a ni dawn. Sum lama harsatna an tawh chhoh zel karah sorkar budget leh thil pawimawh dangte an sawiho dawn a ni.

North Korea Parliament hian rorel inkhawm hi an nei khat hle a, rorellai Workers' Party-in budget leh sorkar kal dan tura thutlukna a lo siam tawh sate lo pawmpuina atana hman a ni deuh ber ṭhin. Mahse kum tharah hian an tih dan ṭhang lo takin cabinet hnathawh te, sorkar budget leh thil dang hrang hrangte sawiho an tum.

State news agency, KCNA chuan Thawhlehnia SPA standing committee-in plenatry meeting a neihah Parliament rorel inkhawm buatsaih hi an rel tih a sawi. Standing committee chairman hi Choe Ryong Hae a ni a, an rama official thiltithei ber zingah a tel. Committee hian construction design, property leh ship transport chungchanga dan siam turte pawh an rel tel bawk.

UN hrekna avang te, Covid-19 hripui leng vanga an inkharkhip leh leilung chhiatna hrang hrang an tawrh avangin nikum khan North Korea sum leh pai dinhmun hi kum 23 chhunga a chhiat ber ṭum an tawng a ni.