Philippine President-in ruihhlo do beihpui thlak chhunzawm zel tum

Philippine President Rodrigo Duterte chuan a kaihhruai sorkarin an rama ruihhlo doa beihpui a thlak chu nasa zawka kalpui zel a ni dawn tih a sawi a, ruihhlo zuar leh hmangsualte laka beihpui an thlak mek chu a la tawp mai dawn lo tih a sawi bawk.

State of the Nation Addess a neih ṭum thumnaah President chuan ruihhlo do beihpui thlak mek chu an ngaihthah mai dawn lo a, nasa zawkin an kalpui zel dawn tih a sawi.

Duterte chuan, "Ruihhlo tawlh leh zuar ṭhinte hian an thiltih hi dan kalh a ni tih an hrechiang hle a ni. Da loa an thiltih hi manchhuah an nih chuan a nghawng tur an hre vek a ni. Ruihhlo hian mi tam tak nunna lain, chhungkua leh inlaichina te a tichhia tih an hrechiang hle a ni", a ti.

Kum 2016 June thlaa Philippines president atana lakluh a nih hnu lawk aṭang khan Duterte hian an ram pumah ruihhlo do beihpui a thlak zui nghal a ni.