Turkey Parliament-in anti-terror law pawm

Turkey Parliament an ram puma kum hnih chhung atana emergency puan a tihtawp aṭanga ni ruk hnu, Nilaini khan anti-terror law thar a pawm.

Parliament-a anti-terror law putluh hi rorellai Justice and Development Party leh Nationalist Movement Party member-ten an thlawp a ni. He dan thar hnuaiah hian governor leh security force-te chu thuneihna sang zawk pek niin, gorvernor-te chuan ram himna tiderthawng thei nia an rinhlelh te chu ni 15 chhung Turkey rama luh leh chhuah an khapsak thei a, pawikhawihtu nia rinhlelhte chu thubuai siamsak loin darkar 48 aṭanga ni li thleng an hreng thei bawk ang.

Dan thar siam hnuaiah hian Turkey sorkar chu Turkish Armed Forces, police leh gendarmerie department, bakah sorkar hnathawkte chu firfiak pawl nena inzawmna nei nia hriatte ban theihna thuneihna pek a ni bawk. Parliament-in anti-terror law a pass hi President Reccep Tayyip Erdogan hnenah a pawmpuina la turin thawn leh a ni ang.